Valur, KA/Þór og ÍBV í Evrópubikar

Val­ur, KA/Þ​ór og ÍBV keppa í Evr­ópu­bik­ar­keppni kvenna í hand­bolta á næsta tíma­bili. Þetta staðfesti Hand­knatt­leiks­sam­band Evr­ópu, EHF, í morg­un. Val­ur verður í efri styrk­leika­flokki móts­ins.

Það eru 59 lið skráð til leiks sem eru tveim­ur fleiri en voru í fyrra. Í pott­in­um verða 54 lið en fimm lið fara beint í aðra um­ferð. Þau lið voru fimm efstu í styrk­leika­flokk­un Hand­knatt­leiks­sam­band Evr­ópu.

KA/Þ​ór og ÍBV verða í neðri styrk­leika­flokk móts­ins og geta því ekki dreg­ist gegn Val sem er í efri styrk­leika­flokk. Dregið verður 19. júlí og leik­dag­ar eru helgarn­ar 8. og 9. októ­ber ann­ar­s­veg­ar og 15. og 16. októ­ber hins­veg­ar.

ÍBV komst í átta liða úr­slit á síðasta tíma­bili en tapaði þar í ein­vígi gegn Malaga sam­tals 68-50.

• Blogga um frétt