Stórleikur á Hlíðarenda – nýliðaslagur í Breiðholti

Fimm leik­ir eru á dag­skrá í Olís­deild karla í hand­bolta í kvöld er fjórða um­ferðin fer af stað.

Stór­leik­ur kvölds­ins fer fram á Hlíðar­enda en þar mæt­ast Val­ur og KA. Liðin mætt­ust í bikar­úr­slit­um á síðustu leiktíð og í Meist­ara­keppni HSÍ í byrj­un mánaðar og vann Val­ur í bæði skipt­in. Val­ur hef­ur farið vel af stað og er með fullt hús stiga eft­ir þrjá leiki. KA er með þrjú stig.

Hörður frá Ísaf­irði freist­ar þess að fá sín fyrstu stig í efstu deild frá upp­hafi er liðið heim­sæk­ir ÍR í Breiðholtið í nýliðaslag. ÍR er með tvö stig en Hörður er eina liðið sem er án stiga.

Fram, sem hef­ur farið vel af stað og er í öðru sæti með fimm stig, mæt­ir FH í Kaplakrika. Byrj­un FH-inga hef­ur verið erfið, því liðið er í næst­neðsta sæti með aðeins eitt stig.

ÍBV og Sel­foss mæt­ast í suður­lands­slag á Sel­fossi. ÍBV er tap­laust og með þrjú stig eft­ir tvo leiki en Sel­foss er með tvö stig eft­ir þrjá leiki.

Loks mæt­ast Aft­ur­eld­ing og Grótta í Mos­fells­bæn­um. Grótta hef­ur komið skemmti­lega á óvart í upp­hafi móts og nælt í fjög­ur stig úr fyrstu þrem­ur leikj­un­um. Aft­ur­eld­ing er hins veg­ar aðeins með eitt stig eft­ir þrjá leiki.

Leik­ir kvölds­ins:

18.00 Val­ur – KA
18.45 Sel­foss – ÍBV
19.30 Aft­ur­eld­ing – Grótta
19.30 FH – Fram
19.40 ÍR - Hörður

• Blogga um frétt