Ásgeir Snær Vignisson var markahæstur í liði Helsingborgar í 30:25-útisigri á Skövde í sænsku úrvalsdeildinni í handbolta í dag.
Ásgeir Snær skoraði sjö mörk í leiknum og var markahæsti leikmaður vallarins. Hjá Skövde skoraði Bjarni Ófeigur Valdimarsson þrjú mörk.
Með sigrinum fór Helsingborg upp í níunda sæti deildarinnar en liðið er nú með 11 stig. Skövde er þremur sætum ofar með 13 stig.