Glæsilegt mark Orra vekur athygli (myndskeið)

Orri Freyr Þorkelsson átti flottan leik fyrir norska liðið Elverum er það mátti þola 36:42-tap á heimavelli gegn Viktori Gísla Hallgrímssyni og félögum í franska liðinu Nantes í Meistaradeild Evrópu í handbolta í gær.

Eitt mark Orra vakti sérstaklega athygli og var birt á samfélagsmiðlum evrópska handknattleikssambandsins. Orri fékk þá boltann óvænt í horninu og sleppti boltanum skemmtilega yfir höfuðið á Manuel Gaspar í marki Nantes.

Markið skemmtilega má sjá hér fyrir neðan.

• Blogga um frétt