Stjarnan vann markalítinn leik
Setja bókamerki
Stjarnan vann þriggja marka sigur, 19:16, á KA/Þór í Olísdeild kvenna í handknattleik í Garðabænum í dag.
Stjörnukonur voru sterkari mestallan fyrri hálfleikinn. Þegar 20. mínútur voru liðnar var Stjarnan fjórum mörkum yfir, 8:4. Garðbæingar juku aðeins forskot sitt það sem á leið síðari hálfleikinn og voru sex mörkum yfir í hálfleik, 12:6.
Akureyringar sóttu aðeins í sig veðrið í seinni hálfleik en komust aldrei nálægt Garðbæingum. Minnst minnkaði KA/Þór muninn í þrjú mörk, sem var lokaniðurstaðan, 16:19.
Anna Karen Hansdóttir var markahæst í liði Stjörnunnar með sjö mörk. Hildur Lilja Jónsdóttir og Nathalia Soares Baliana settu fjögur hvor fyrir Akureyrarliðið.
Markmennirnir áttu báðir góðan leik. Darija Zecevic varði 17 skot í Stjörnuliðinu og Matea Lonac 15 fyrir KA/Þór.
Stjarnan er í þriðja sæti deildarinnar með 25 stig. KA/Þór er í því sjötta með 12.
„Bara eins og í annarri stórgripaslátrun“
Vottar Jehóva fyrir áfrýjunardómstól
Buðu upp á æfingar án öryggisúttektar
Ekkert breyst í samstarfinu nema fylgi flokkanna
Viðtalið sem sprengdi meirihlutann?
Óskar atbeina Alþingis vegna byrlunar
Neyðarástand: Merki um landris og þúsundir flýja
Nýtt að gestalistinn sé umræðuefni á Alþingi