Dramatískur sigur ÍBV í toppslagnum

ÍBV vann dramatískan 29:28-sigur á Val í toppslag Olísdeildar kvenna í handbolta í dag. Harpa Valey Gylfadóttir skoraði sigurmarkið á síðustu sekúndu leiksins.

Fyrir leikinn var Valur með einu stigi meira en ÍBV, en Eyjakonur með leik til góða. Er ÍBV því komið í góða stöðu í baráttunni á toppi deildarinnar.

Leikurinn var jafn og spennandi allan tímann, en hálfleikstölur voru 15:15. Valskonur fengu færi til að skora sigurmarkið hinum megin, en Marta Wawrzynkowska var vandanum vaxin í markinu og ÍBV skoraði sigurmarkið hinum megin.

Hrafnhildur Hanna Þrastardóttir átti stórleik fyrir ÍBV og skoraði 13 mörk. Sunna Jónsdóttir gerði níu. Thea Imani Sturludóttir skoraði tíu fyrir Val og Mariam Eradze sjö.

ÍBV	29:28	Valur	Opna lýsingu Loka
60. mín. Þetta mun ráðast á síðustu sekúndunum.
Augnablik — sæki gögn...

• Blogga um frétt