HK vann sinn annan leik
Setja bókamerki
HK vann sinn annan leik í Olís-deild kvenna í handknattleik á tímabilinu með eins marks sigri, 25:24, á KA/Þór í Kórnum í dag.
Akureyringar byrjuðu leikinn mun betur og eftir korter leiddi KA/Þór með fimm mörkum, 9:5. HK vann sig síðan hægt og rólega aftur inn í leikinn og minnkaði muninn í þrjú mörk fyrir hálfleik, 14:11.
HK var sterkari aðilinn í seinni hálfleik og á 43. mínútu var Kópavogsliðið búið að jafna metin, 16:16. Æsispennandi lokamínútur biðu þar sem HK hafði betur og vann að lokum eins marks sigur, 25:24, og út braust mikill fögnuður.
Embla Steindórsdóttir, leikmaður HK, var markahæst í leiknum með átta mörk. Ida Margrethe Hoberg var markahæst í liði KA/Þórs með sjö.
HK er enn neðst en nú með fjögur stig. KA/Þór er í sjötta sæti með 12 stig, fjórum meira en Selfoss í næstneðsta sæti.
Mörk HK: Embla Steindórsdóttir 8, Inga Dís Jóhannsdóttir 5, Alfa Brá Hagalín 4, Aníta Eik Jónsdóttir 3, Sóley Ívarsdóttir 3, Jóhanna Lind Jónasdóttir 1, Leandra Náttsól Salvamoser 1.
Varin skot: Ethel Gyða Bjarnasen 8.
Mörk KA/Þórs: Ida Margrethe Hoberg 7, Hildur Lilja Jónsdóttir 4, Kristín A. Jóhannsdóttir 4, Lydía Gunnþórsdóttir 4, Nathalia Soares Baliana 3, Anna Mary Jónsdóttir 1, Anna Þyrí Halldórsdóttir 1.
Varin skot: Matea Lonac 11.
Sólarhringsaðstoð á hverfastöðvum borgarinnar
„Aðal málið er að það urðu engin slys á fólki“
Hvetja fyrirtæki til að láta ferðamenn vita
„Heppinn að vera ekki framþyngri“
Fær þingsætið þrátt fyrir skilorðsbundinn dóm
„Galið að stimpla málið á svartan húmor“
Myndskeið: Eldingum sló niður á mínútu fresti
Sekt fyrir barnakynlífsdúkkur: Kallaði sjálfur til lögreglu