Eyjamenn fyrstir í undanúrslitin
Setja bókamerki
ÍBV tryggði sér í kvöld sæti í undanúrslitum Íslandsmóts karla í handbolta með 27:23-útisigri á Stjörnunni í öðrum leik liðanna í Mýrinni í Garðabæ. ÍBV vann einvígið 2:0 og mætir annaðhvort Selfossi eða FH í undanúrslitunum.
Eftir jafnar upphafsmínútur náði Stjarnan undirtökunum og náði mest sex marka forskoti í hálfleiknum, 12:6. Þegar upp var staðið munaði fimm mörkum í hálfleik, 15:10.
Stjarnan var áfram yfir framan af í seinni hálfleik og munaði þremur mörkum þegar hann var hálfnaður, 18:15. Eyjamenn voru þá sterkari næstu mínútur og jöfnuðu í 20:20. Var það í fyrsta sinn frá stöðunni 3:3 sem stóð jafnt.
Gestirnir frá Vestmannaeyjum voru með meira eftir af tankinum og unnu að lokum góðan sigur, eftir glæsilegan endasprett.
Rúnar Kárason fór á kostum fyrir ÍBV og skoraði ellefu mörk. Kári Kristján Kristjánsson bætti við fimm. Björgvin Þór Hólmgeirsson skoraði átta fyrir Stjörnuna. Hergeir Grímsson gerði sex.
| Stjarnan | 23:27 | ÍBV |
|
|---|---|---|---|
| Rúnar Kárason (ÍBV) skoraði mark Þvílíkur leikur hjá Rúnari. | |||
Veitingamaður: Bíða niðurstöðu úr sýnum
„Tíminn er að renna frá okkur“
Óvissustigi aflétt á sunnanverðum Vestfjörðum
Fjölmiðlafólk rekið út
Útgerðarstarf Sigurjóns ekki í hagsmunaskrá
„Þú selur ekki launþega“
Funda í Karphúsinu