Mosfellingar í undanúrslit eftir sigur á Fram

Það var mikið í húfi þegar Afturelding og Fram mættust í íþróttamiðstöðinni að Varmá í öðrum leik liðanna í 8-liða úrslitum Íslandsmótsins í handbolta í kvöld. Fyrir leik var Afturelding, 1:0 yfir í einvíginu eftir að hafa unnið fyrsta leikinn í Úlfarsárdal. Lokatölur í kvöld urðu, 24:23, Aftureldingu í vil og eru þeir komnir í undanúrslit Íslandsmótsins.

Frétt af mbl.is

Við vorum frábærir í 50 mínútur

Mosfellingar voru með frumkvæðið frá byrjun leiks í kvöld og það var augljóst frá fyrstu mínútu að þeir ætluðu alls ekki að missa einvígið í oddaleik. Þorsteinn Leó Gunnarsson skoraði fyrsta mark leiksins og setti þar með tóninn. Afturelding komust mest fimm mörkum yfir í fyrri hálfleik, 7:2, var þar helst að þakka áðurnefndum Þorsteini og Brynjari Vigni Sigurjónssyni, markverði Mosfellinga sem varði 8 skot í fyrri hálfleik.

Liðsmenn Fram voru lengi í gang en náðu að spila sig inn í leikinn þegar líða tók á hálfleikinn. Stefán Darri Þórsson stjórnaði sóknarleik þeirra vel en á meðan Brynjar Vignir varði vel í marki Aftureldingar, þá voru kollegar hans með samanlögð tvö skot varin þegar flautað var til hálfleiks. Staðan í hálfleik, 13:9, heimamönnum í vil.

Frétt af mbl.is

Það er náttúrlega hundleiðinlegt að tala um það núna

Síðari hálfleikur spilaðist í byrjun svipað og sá fyrri og heimamenn komust í sjö marka forystu, 18:11, þegar Þorsteinn Leó skoraði sitt fimmta mark. Þá breytti Einar Jónsson, þjálfari Fram, vörn gestanna og spilaði 5+1 vörn og reyndi hvað hann gat að loka á Þorstein Leó. Við þetta fipaðist sóknarleikur heimamanna og gestirnir gengu á lagið.

Framarar sýndu mikinn karakter og minnkuðu muninn í tvö mörk þegar Reynir Þór Stefánsson skoraði úr víti. Fjórar mínútur eftir af leiknum og spennan í hámarki.

Frétt af mbl.is

Það hjálpar ekki að einhver hornamaður þurfi að spila miðjuna

Lokakafli leiksins var einstaklega spennandi. Árni Bragi Eyjólfsson sem hafði átt frábæran leik, missti boltann fyrir heimamenn þegar skammt var eftir. Ólafur Brim Stefánsson, leikmaður Fram, keyrði þá í sókn og minnkaði muninn í eitt mark og ein mínúta eftir. Mosfellingar fóru í sókn en nýttu hana ekki þannig að Framarar tóku leikhlé og lögðu upp lokasóknina. Þeir reyndu að koma boltanum inn á línuna en Árni Bragi spilaði flotta vörn og vann boltann og þar með leikinn fyrir heimamenn.

Hjá heimamönnum var Þorsteinn Leó Gunnarsson markahæstur með 8 mörk, Árni Bragi Eyjólfsson fylgdi honum fast á eftir með 7 mörk. Hjá gestunum voru Marko Coric og Stefán Darri Þórsson markahæstir með 4 mörk hvor.

Afturelding	24:23	Fram	Opna lýsingu Loka
60. mín. Árni Bragi Eyjólfsson (Afturelding) skýtur framhjá Árni Bragi fær færið með mann í sér, heimamenn vilja brot en ekkert dæmt og Framarar fá sókn til að jafna leikinn.
Augnablik — sæki gögn...

• Blogga um frétt