KA/Þór tryggði sér oddaleik með risasigri
Ida Margrethe Hoberg skoraði sjö mörk í dag.
mbl.is/Arnþór Birkisson
Setja bókamerki
KA/Þór vann gríðarlega sannfærandi 34:18-heimasigur á Stjörnunni í öðrum leik liðanna í 1. umferðinni í úrslitakeppni kvenna í handbolta í kvöld. Liðin mætast því í oddaleik næstkomandi sunnudag og sigurvegarinn mætir Val.
Ljóst var í hvað stefndi frá fyrstu mínútu, því KA/Þór komst í 9:1. Þá vöknuðu Stjörnukonur örlítið, en staðan í hálfleik var 17:7. Reyndist seinni hálfleikur formsatriði fyrir KA/Þór, sem jók muninn upp í 16 mörk.
Nathalía Baliana og Ida Margrethe Hoberg skoruðu sjö mörk hvor fyrir KA/Þór og Lydía Gunnþórsdóttir sex. Matea Lonac fór á kostum í markinu og varði 20 skot.
Lena Margrét Valdimarsdóttir skoraði sex mörk fyrir Stjörnuna, þar af fjögur úr vítum. Stefanía Theodórsdóttir og Helena Rut Örvarsdóttir gerðu þrjú hvor.
Ida Margrethe Hoberg skorar eitt af mörkum sínum fyrir KA/Þór í leiknum.
Ljósmynd/Jón Óskar
| KA/Þór | 34:18 | Stjarnan |
|
|---|---|---|---|
| Stefanía Theodórsdóttir (Stjarnan) skoraði mark Vippar yfir Telmu. | |||
Funda í Karphúsinu
Litla stelpan með perlurnar
„Þetta er algjörlega geðveikt“
„Þú selur ekki launþega“
Óvissustigi aflétt á sunnanverðum Vestfjörðum
Þörf fyrir tvöfalt fleiri augnskurðlækna
Aukin áhersla á samtal um varnarmál