„Samkeppnin af hinu góða“

„Það er mjög auðvelt að gíra sig inn í þetta. Það eru allir sjúklega spenntir fyrir að spila í höllinni fyrir framan fulla stúku,“ sagði Óðinn Þór Ríkharðsson, landsliðsmaður í handbolta í samtali við mbl.is í Laugardalshöll í gær.

„Þetta er risa leikur sem skiptir miklu máli og við erum bara fáránlega gíraðir. Það er alltaf gaman að hitta strákana.“

Frétt af mbl.is

Liðið gerir kröfu á sigur á heimavelli

Alltaf gaman að spila fyrir Ísland

Ísland tek­ur á móti Eistlandi í loka­leik 3. riðils undan­keppni Evr­ópu­móts­ins í Laug­ar­dals­höll í dag. Íslenska liðið er með ör­lög­in í sín­um hönd­um en sig­ur á morg­un trygg­ir efsta sætið í riðlin­um og þar með verður Ísland í 1. styrk­leika­flokki þegar dregið verður í riðla fyr­ir loka­keppn­ina sem fram fer í Þýskalandi í janú­ar.

Óðinn sagði alltaf gaman að spila fyrir Ísland og sérstaklega á heimavelli. Óðinn Þór deilir hægra horninu með Sigvalda Birni Guðjónssyni og segir hann samkeppnina vera af hinu góða.

„Við erum bara saman í hægra horninu og hægra hornið er sterkt, það er bara jákvætt.“

Frétt af mbl.is

„Get hugsað mér að endursemja“

Getur verið stórhættuleg staða

Þurfum við að varast eitthvað ákveðið í leik Eista?

„Þeir eru góðir sjö á sex og það eru ákveðnir hlutir sem við þurfum að vera með á hreinu,“ segir Óðinn.

Hann segir alla sammála um að Ísland eigi að vera sterkara liðið en að það geti þó verið stórhættuleg staða.

Leikur Íslands og Eistlands hefst klukkan 16 í dag. Mbl.is verður í Laugardalshöll og flytur ykkur það helsta í beinni textalýsingu.

• Blogga um frétt