Ég er nú bara fúll

„Fyrri hálfleik­ur­inn var skamm­ar­leg­ur,“ sagði Sig­urður Brag­son, þjálf­ari ÍBV, í sam­tali við mbl.is eft­ir tap liðs síns gegn Hauk­um, 24:25, í öðrum leik liðanna í undanúr­slit­um Íslands­móts kvenna í hand­bolta í dag. Með sigr­in­um jafnaði Haukaliðið ein­vígið í 1:1.

Hver eru svona fyrstu viðbrögð beint eft­ir leik?

„Ég er nú bara fúll beint eft­ir leik en þetta er eng­inn heimsend­ir. Þetta var bara rosa­leik­ur og það er held ég flott fyr­ir stelp­urn­ar að lenda í svona leik. En ég er auðvitað með keppn­is­skap þannig ég er pirraður.“ 

Þetta sýn­ir kannski styrk Haukaliðsins?

„Ég sagði það fyr­ir fyrsta leik­inn að mér fannst hafa verið mik­il breyt­ing á þessu Haukaliði und­an­farið. Það er allt ann­ar andi í þeim og þær eru drullu flott­ar, þannig þetta kem­ur mér ekk­ert á óvart. Þú vinn­ur Fram ekki 2:0 nema þú sért með gæði í liðinu. En þrátt fyr­ir það er ég ekki ánægður með hvernig við mæt­um í dag.“

Fyrri hálfleik­ur ÍBV var af­leit­ur en Haukaliðið keyrði al­veg yfir Eyja­kon­ur. Sig­urður sagði eig­in­lega ekki geta út­skýrt hví það var svo­leiðis.  

„Ég nefni­lega get eig­in­lega ekki út­skýrt þessa byrj­un. Stelp­urn­ar mættu vel peppaðar og all­ur und­ir­bún­ing­ur var mjög góður. Mér fannst síðasti leik­ur ekki sitja í okk­ur, en hann gerði það greini­lega. Fyrri hálfleik­ur­inn var skamm­ar­leg­ur og við þung­ar. Skot­in hjá mín­um bestu leik­mönn­um voru lé­leg og við vor­um aum­ar í vörn­inni. Ég er mjög pirraður með hvernig við kom­um inn í leik­inn og við töpuðum þessu á fyrstu 30 mín­út­un­um.“

ÍBV jafnaði met­in á 48. mín­útu og komst tveim­ur mörk­um yfir stuttu seinna. Þá jafnaði Haukaliðið met­in á nýj­an leik og knúði fram fram­leng­ingu þar sem Hauk­ar unnu leik­inn.

„Við för­um eig­in­lega bara í sama farið und­ir lok­inn. Seinni hálfleik­ur­inn var bara okk­ar leik­ur þar sem við spiluðum af miklu meiri ákefð og frá­bæra vörn. Við unn­um seinni hálfleik­inn með sex mörk­um en það tók mikla orku og svo í fram­leng­ing­unni för­um við í sama fas og í fyrri hálfleik. Ömur­leg skot og flat­ar í sókn, þannig fór sem fór.“

Bestu stuðnings­menn lands­ins

Sig­urður var að vanda sátt­ur með stuðnings­menn Eyjaliðsins og sagðist ekki geta beðið eft­ir næsta leik. 

„Ég fer ekk­ert ofan af því að það er eng­inn með svona stuðnings­menn, og hvað þá í kvenna­bolt­an­um. Það eru fleiri stuðnings­menn hérna hjá okk­ur held­ur en á góðum deild­ar­leik hjá öðrum liðum, það fólk klikkaði ekki. Þetta er bara okk­ar fólk og þau elska að vera með okk­ur líka. 

Ég get ekki beðið eft­ir næsta leik, ég væri til í að hann væri núna á eft­ir. Eða kannski ekki því stelp­urn­ar þurfa að fá smá hvíld núna, það er stutt á milli leikja. Nú þarf ég að passa þær en ég get ekki beðið eft­ir miðviku­deg­in­um,“ sagði Sig­urður að lok­um. 

• Blogga um frétt