Valur jafnaði metin í Garðabænum

Val­ur jafnaði í dag met­in í 1:1 í undanúr­slita­ein­vígi sínu við Stjörn­una á Íslands­móti kvenna í hand­knatt­leik, með naum­um 25:24-sigri í æsispenn­andi öðrum leik liðanna í Mýr­inni í Garðabæ.

Hart var bar­ist í fyrri hálfleik þar sem lítið skildi á milli liðanna.

Þegar fyrri hálfleik­ur var tæp­lega hálfnaður náði Stjarn­an tveggja marka for­ystu, 7:5. Heima­kon­ur héldu henna þó ekki lengi þar sem Val­ur sneri tafl­inu við og komst einu marki yfir, 9:8.

Ekki leið á löngu þar til Stjarn­an komst í for­ystu á ný, 11:10.

Áfram héldu liðin að skipt­ast á að kom­ast yfir og var staðan jöfn, 13:13, þegar skammt var eft­ir af fyrri hálfleik.

Val­ur lauk hins veg­ar hálfleikn­um á því að skora tvö síðustu mörk hans og leiddu því með tveim­ur mörk­um, 15:13, í hálfleik.

Þrátt fyr­ir að Val­ur hafi fengið litla markvörslu í fyrri hálfleik kom það ekki að sök þar sem liðið lék firna sterk­an varn­ar­leik. Sama mátti segja um Stjörn­una lengst fram­an af í hálfleikn­um.

Í síðari hálfleik herti Val­ur enn frek­ar tök­in í varn­ar­leikn­um þar sem Stjarn­an átti í stök­ustu vand­ræðum með að finna gluf­ur.

Val­ur hélt sömu­leiðis dampi í sókn­inni og náði fljót­lega fjög­urra marka for­ystu, 20:16.

Eft­ir það tók Stjarn­an sér­stak­lega vel við sér og minnkaði mun­inn niður í aðeins eitt mark, 22:21.

Val­ur hristi þá af sér tíma­bundið slen sitt, skoraði tvö mörk í röð og leiddi með þrem­ur mörk­um, 24:21, þegar rúm­ar átta mín­út­ur voru til leiks­loka.

Stjarn­an lagði þó ekki árar í bát og skoraði þrjú mörk í röð. Staðan orðin jöfn og í hönd fóru æsispenn­andi loka­mín­út­ur.

Bæði lið misstu bolt­ann trekk í trekk en Lilja Ágústs­dótt­ir kom bolt­an­um í markið þegar hún kastaði yfir nán­ast all­an völl­inn í autt markið.

Helena Rut Örvars­dótt­ir fékk tæki­færi til þess að jafna met­in þegar 13 sek­únd­ur voru eft­ir af leikn­um en Sara Sif Helga­dótt­ir varði lag­lega og tryggði Val sig­ur­inn.

Þriðji leik­ur liðanna fer fram á Hlíðar­enda á miðviku­dags­kvöld.

Stjarn­an	24:25	Val­ur	Opna lýs­ingu Loka
60. mín. Val­ur tap­ar bolt­an­um
Helena Rut Örvarsdóttir - 7 Elísabet Gunnarsdóttir - 4 Britney Cots - 4 Eva Björk Davíðsdóttir - 3 / 2 Stefanía Theodórsdóttir - 2 Hanna Guðrún Stefánsdóttir - 2 Lena Margrét Valdimarsdóttir - 2 Mörk 6 / 2 - Þórey Anna Ásgeirsdóttir 5 - Mariam Eradze 4 - Thea Imani Sturludóttir 3 - Elín Rósa Magnúsdóttir 2 - Lilja Ágústsdóttir 2 - Hildur Björnsdóttir 2 - Sigríður Hauksdóttir 1 - Ásdís Þóra Ágústsdóttir Darija Zecevic - 7 / 1 Varin skot 6 - Sara Sif Helgadóttir 10 Mín Brottvísanir 4 Mín mín. 60 Leik lokið Sara Sif ver á ögurstundu og tryggir Val eins marks sigur! 60 Sara Sif Helgadóttir (Valur) varði skot Risavarsla, ver frá Helenu Rut! 60 Stjarnan tekur leikhlé 45 sekúndur eftir og Stjarnan tekur leikhlé! 60 Valur tapar boltanum 59 Stjarnan tapar boltanum 59 24 : 25 - Lilja Ágústsdóttir (Valur) skoraði mark Skorar yfir nánast allan völlinn í autt markið. 59 Stjarnan tapar boltanum 58 Valur tapar boltanum Valur er að gefa boltann frá sér í sífellu. 58 Britney Cots (Stjarnan) fékk 2 mínútur Fer ansi geyst í Theu sem var í loftinu. 57 Valur tekur leikhlé Ágústi líst ekki á blikuna og tekur annað leikhlé. 57 24 : 24 - Stefanía Theodórsdóttir (Stjarnan) skoraði mark Stefanía klikkar ekki í hraðaupphlaupinu, staðan orðin jöfn! 57 Valur tapar boltanum 56 Lena Margrét Valdimarsdóttir (Stjarnan) á skot í slá Alein gegn Söru Sif eftir hraðaupphlaup en skýtur í þverslána og yfir! 56 Valur tapar boltanum 55 23 : 24 - Stefanía Theodórsdóttir (Stjarnan) skoraði mark Kemst á blað eftir hraðaupphlaup. 55 Thea Imani Sturludóttir (Valur) skýtur framhjá 54 Valur tekur leikhlé Ágúst, þjálfari Vals, fer yfir málin með leikmönnum sínum. 54 Stjarnan tapar boltanum 54 Valur tapar boltanum Sending Sigríðar klikkar. 53 22 : 24 - Lena Margrét Valdimarsdóttir (Stjarnan) skoraði mark 52 21 : 24 - Thea Imani Sturludóttir (Valur) skoraði mark Sleggja fyrir utan. 52 Sara Sif Helgadóttir (Valur) varði skot Ver frá Cots, sem skýtur og skýtur. 51 21 : 23 - Elín Rósa Magnúsdóttir (Valur) skoraði mark Brýst í gegn og skorar nokkuð langþráð mark fyrir Val. 50 Stjarnan tapar boltanum Vörn Vals tekur skot Cots með glæsilegum hætti. 50 Sigríður Hauksdóttir (Valur) á skot í slá Vippar yfir Dariju en skotið í þverslána! 49 Britney Cots (Stjarnan) skýtur framhjá Skotið töluvert langt framhjá. 49 Darija Zecevic (Stjarnan) varði skot Ver frábærlega frá Hildigunni af línunni! 49 21 : 22 - Britney Cots (Stjarnan) skoraði mark Langt fyrir utan af miðjunni, lúmskt skot. 47 Hanna Guðrún Stefánsdóttir (Stjarnan) fékk 2 mínútur Hefur fengið tvær mínútur áðan, fyrir hvað sá ég ekki. 48 Stjarnan tekur leikhlé Stjarnan er með boltann og getur minnkað muninn niður í aðeins eitt mark. Hrannar þjálfari fer yfir málin. 48 Valur tapar boltanum 47 20 : 22 - Elísabet Gunnarsdóttir (Stjarnan) skoraði mark Hefur verið öflug á línunni í dag, komin með fjögur mörk. 47 Darija Zecevic (Stjarnan) varði skot Ver glæsilega frá Þóreyju Önnu. 47 Stjarnan tapar boltanum 46 Sigríður Hauksdóttir (Valur) á skot í stöng Í stöngina og út í innkast. 45 19 : 22 - Britney Cots (Stjarnan) skoraði mark Nær að skora í annarri tilraun. 45 Sara Sif Helgadóttir (Valur) varði skot Ver frá Cots, sem nær frákastinu. 44 Valur tapar boltanum 44 Britney Cots (Stjarnan) skýtur yfir Skotið í gólfið og yfir. 43 18 : 22 - Thea Imani Sturludóttir (Valur) skoraði mark Nýtir styrk sinn, brýst í gegn og neglir boltanum niður í nærhornið. 43 18 : 21 - Hanna Guðrún Stefánsdóttir (Stjarnan) skoraði mark Hin 44 ára unga Hanna Guðrún skorar annað mark sitt í dag. 42 17 : 21 - Þórey Anna Ásgeirsdóttir (Valur) skoraði mark Sjötta mark hennar í dag. 41 17 : 20 - Helena Rut Örvarsdóttir (Stjarnan) skoraði mark Lagar stöðuna með gegnumbroti, komin með sjö mörk í dag. 41 Valur tapar boltanum Sendingar Elínar Rósu fer aftur fyrir endamörk. 40 Elísabet Gunnarsdóttir (Stjarnan) á skot í slá Reynir að vippa af línunni en skotið í þverslána og yfir. 40 16 : 20 - Þórey Anna Ásgeirsdóttir (Valur) skorar úr víti Öruggt. Valur leiðir með fjórum mörkum! 40 Elín Rósa Magnúsdóttir (Valur) fiskar víti Lena Margrét brotleg. 39 Sara Sif Helgadóttir (Valur) varði skot Skot Lenu Margrétar af vörninni og Sara Sif ver svo aftur fyrir. 38 16 : 19 - Hildur Björnsdóttir (Valur) skoraði mark Skorar aftur af línunni. 38 16 : 18 - Britney Cots (Stjarnan) skoraði mark Höndin komin upp en Cots brýst í gegn í tæka tíð og skorar. 37 15 : 18 - Hildur Björnsdóttir (Valur) skoraði mark Flott línusending hjá Elínu Rósu og Hildur kemst á blað. 36 15 : 17 - Lena Margrét Valdimarsdóttir (Stjarnan) skoraði mark Opnast allt og Lena Margrét ekki í vandræðum með að skora. 36 Mariam Eradze (Valur) skýtur framhjá 35 Stjarnan tapar boltanum Elísabet nær ekki boltanum á línunni. 35 14 : 17 - Þórey Anna Ásgeirsdóttir (Valur) skoraði mark Setur þennan upp í samskeytin. 35 Stjarnan tapar boltanum Skref á Hönnu Guðrúnu. 34 14 : 16 - Thea Imani Sturludóttir (Valur) skoraði mark Vörnin tekur fyrra skotið, Thea nær boltanum aftur og skorar þá auðveldlega. 34 Stjarnan tapar boltanum 34 Valur tapar boltanum 33 Darija Zecevic (Stjarnan) varði skot Ver glæsilega frá Mariam, Valur heldur boltanum. 33 Helena Rut Örvarsdóttir (Stjarnan) skýtur framhjá Þrumar nokkuð langt framhjá markinu. 32 Thea Imani Sturludóttir (Valur) skýtur yfir Hátt yfir markið. 31 14 : 15 - Eva Björk Davíðsdóttir (Stjarnan) skoraði mark Brýst í gegn og skorar úr fyrstu sókn síðari hálfleiks. 31 Leikur hafinn Stjarnan hefur síðari hálfleikinn. 30 Hálfleikur Valur leiðir með tveimur mörkum í hálfleik eftir bráðskemmtilegan og spennandi fyrri hálfleik. 30 Stjarnan tapar boltanum Línusending Evu Bjarkar klikkar. 30 Hildigunnur Einarsdóttir (Valur) fékk 2 mínútur Fer í andlitið á Helenu Rut. 29 13 : 15 - Sigríður Hauksdóttir (Valur) skoraði mark Valur geysist í sókn og Sigríður vippar snyrtilega yfir Dariju. 29 Sara Sif Helgadóttir (Valur) varði skot Ver vel frá Evu Björk sem þrumaði að marki töluvert fyrir utan. 28 13 : 14 - Elín Rósa Magnúsdóttir (Valur) skoraði mark Finnur einhvern veginn leið og smellir boltanum í gólfið og í netið. 27 13 : 13 - Helena Rut Örvarsdóttir (Stjarnan) skoraði mark Vörnin tekur skot Helenu Rutar, hún nær hins vegar frákastinu og skorar! 27 12 : 13 - Sigríður Hauksdóttir (Valur) skoraði mark Glæsileg sending Ásdísar Þóru á Sigríði sem skorar úr horninu. 26 12 : 12 - Elísabet Gunnarsdóttir (Stjarnan) skoraði mark Lena Margrét með frábæra línusendingu og Elísabet nýtir færið sem endra nær. 25 11 : 12 - Mariam Eradze (Valur) skoraði mark Svakalega sterk, nýtir sér styrkinn til þess að brjótast í gegn og skorar. 25 Lena Margrét Valdimarsdóttir (Stjarnan) skýtur yfir Töluvert yfir markið. 24 11 : 11 - Þórey Anna Ásgeirsdóttir (Valur) skoraði mark Nú gerir hún engin mistök úr horninu. 24 11 : 10 - Helena Rut Örvarsdóttir (Stjarnan) skoraði mark Gegnumbrot. 23 Darija Zecevic (Stjarnan) varði skot Ver aftur frá Þóreyju Önnu, sem reyndi að vippa yfir Dariju. 23 10 : 10 - Britney Cots (Stjarnan) skoraði mark Eldsnögg sókn þar sem Cots skorar. 22 9 : 10 - Ásdís Þóra Ágústsdóttir (Valur) skoraði mark Alvöru hamar langt fyrir utan, Ásdís Þóra stimplar sig strax inn! 22 9 : 9 - Helena Rut Örvarsdóttir (Stjarnan) skoraði mark Laglega útfærð sókn þar sem Helena Rut sér glufu, brýst í gegn og skorar auðveldlega. 21 Darija Zecevic (Stjarnan) varði skot Ver laglega frá Þóreyju Önnu úr horninu. 21 Stjarnan tapar boltanum Skref á Lenu Margréti. 20 Stjarnan tekur leikhlé Hrannar þjálfari fer aðeins yfir málin, Stjarnan er tveimur mönnum færri sem stendur. 20 8 : 9 - Mariam Eradze (Valur) skoraði mark Kastar yfir nánast allan völlinn þar sem enginn er í markinu. 20 Stjarnan tapar boltanum Slæm sending hjá Lenu Margréti. 19 8 : 8 - Þórey Anna Ásgeirsdóttir (Valur) skorar úr víti Öruggt. 19 Thea Imani Sturludóttir (Valur) fiskar víti 19 Helena Rut Örvarsdóttir (Stjarnan) fékk 2 mínútur Fer í skothöndina á Theu. 18 Britney Cots (Stjarnan) fékk 2 mínútur Tekur full hressilega á Söru Dögg. 17 8 : 7 - Elísabet Gunnarsdóttir (Stjarnan) skoraði mark Lena Margrét finnur Elísabetu sem skorar af öryggi af línunni. 16 7 : 7 - Elín Rósa Magnúsdóttir (Valur) skoraði mark Virkilega vel gert, hleypur langa leið og er ekki í neinu jafnvægi þegar skotið ríður af en tekst að lauma boltanum framhjá Dariju. 16 Lena Margrét Valdimarsdóttir (Stjarnan) skýtur yfir Höndin komin upp og skotið svona líka svakalega hátt yfir markið. 14 7 : 6 - Mariam Eradze (Valur) skoraði mark Brýst í gegn og þrumar boltanum niður í hornið. 14 Britney Cots (Stjarnan) skýtur framhjá 13 Darija Zecevic (Stjarnan) varði skot Ver frá Lilju úr horninu. 13 Sara Sif Helgadóttir (Valur) varði skot Ver frá Helenu Rut. Fyrsta varða skotið hjá Val. 12 Valur tapar boltanum Hanna Guðrún stelur boltanum, les sendingu Mariam. 11 7 : 5 - Eva Björk Davíðsdóttir (Stjarnan) skorar úr víti Aftur örugg á vítalínunni. 11 Elísabet Gunnarsdóttir (Stjarnan) fiskar víti 11 Darija Zecevic (Stjarnan) ver víti Ver vítið laglega með vinstri fæti! 11 Þórey Anna Ásgeirsdóttir (Valur) brennir af víti 11 Sara Dögg Hjaltadóttir (Valur) fiskar víti 10 6 : 5 - Elísabet Gunnarsdóttir (Stjarnan) skoraði mark Lagleg línusending hjá Evu Björk. 10 5 : 5 - Mariam Eradze (Valur) skoraði mark Gegnumbrot og þrumuskot. 9 5 : 4 - Eva Björk Davíðsdóttir (Stjarnan) skorar úr víti Öruggt. 9 Lena Margrét Valdimarsdóttir (Stjarnan) fiskar víti 8 Þórey Anna Ásgeirsdóttir (Valur) gult spjald Hangir í Evu Björk. 8 4 : 4 - Thea Imani Sturludóttir (Valur) skoraði mark Alvöru sleggja fyrir utan! 8 4 : 3 - Helena Rut Örvarsdóttir (Stjarnan) skoraði mark Kemur Stjörnunni yfir í fyrsta sinn. 7 Mariam Eradze (Valur) á skot í stöng Í stöngina og aftur fyrir. 7 Lena Margrét Valdimarsdóttir (Stjarnan) á skot í stöng Ein gegn Hrafnhildi en skýtur í stöngina. 7 Sara Dögg Hjaltadóttir (Valur) skýtur framhjá 6 3 : 3 - Hanna Guðrún Stefánsdóttir (Stjarnan) skoraði mark Eftir hraðaupphlaup. 6 Valur tapar boltanum 6 Stjarnan tapar boltanum Leikleysa. 5 Valur tapar boltanum Sending Theu inn á línu klikkar. 5 Eva Björk Davíðsdóttir (Stjarnan) fékk 2 mínútur Fer í andlitið á Söru Dögg. 4 Britney Cots (Stjarnan) gult spjald Hangir í Theu. 4 2 : 3 - Helena Rut Örvarsdóttir (Stjarnan) skoraði mark Þrumuskot fyrir utan, fer upp í samskeytin! 3 1 : 3 - Lilja Ágústsdóttir (Valur) skoraði mark Eftir hraðaupphlaup. 3 Stjarnan tapar boltanum Skref á Helenu Rut. 3 Mariam Eradze (Valur) fékk 2 mínútur Gengur full harkalega fram í baráttu við Helenu Rut. 2 1 : 2 - Þórey Anna Ásgeirsdóttir (Valur) skoraði mark Skorar auðveldlega eftir að hornið galopnaðist. 2 1 : 1 - Helena Rut Örvarsdóttir (Stjarnan) skoraði mark Brýst í gegn og skorar af harðfylgi. 1 0 : 1 - Mariam Eradze (Valur) skoraði mark Stekkur upp og skýtur beint á Dariju, sem ver boltann í markið. 1 Leikur hafinn Valur byrjar í sókn. 0 Textalýsing Þá rjúka leikmenn inn á völlinn og liðin eru kynnt í snatri. 0 Textalýsing Liðin eru ekki enn komin á völlinn og tvær mínútur í leik, leikurinn hefst því tæpast á réttum tíma. 0 Textalýsing Í fyrsta leik undanúrslitaeinvígisins vann Stjarnan líkt og áður segir fjögurra marka sigur á Hlíðarenda eftir gífurlega spennandi, framlengdan leik. 0 Textalýsing Valur var með yfirhöndina í leikjum liðanna í deildinni á tímabilinu þar sem liðið vann báða heimaleiki sína með tveimur mörkum, 30:28 og 25:23, auk þess sem liðin skildu jöfn, 25:25, hér í Garðabæ. 0 Textalýsing Stjarnan er með 1:0-forystu í einvíginu, eftir 32:28-útisigur í fyrsta leik. Þrjá sigra þarf til að fara í úrslit, þar sem ÍBV eða Haukar bíður. 0 Textalýsing Góðan dag og verið velkomin með mbl.is í beina textalýsingu frá öðrum leik Stjörnunnar og Vals í undanúrslitum Íslandsmóts kvenna í handbolta. Sjá meira Sjá allt Dómarar: Sigurður Hjörtur Þrastarson og Svavar Ólafur Pétursson Gangur leiksins: 2:3, 6:5, 8:9, 11:12, 13:15, 14:17, 16:20, 19:22, 21:22, 23:24, 24:25. Lýsandi: Gunnar Egill Daníelsson Völlur: TM-höllin Stjarnan: Darija Zecevic (M), Elísabet Millý Elíasardóttir (M), Elín Eyfjörð Ármannsdóttir (M). Vigdís Arna Hjartardóttir, Birta M. Sigmundsdóttir, Anna Lára Davíðsdóttir, Anna Karen Hansdóttir, Britney Cots, Helena Rut Örvarsdóttir , Aníta Theodórsdóttir, Hanna Guðrún Stefánsdóttir, Elísabet Gunnarsdóttir, Stefanía Theodórsdóttir, Eva Björk Davíðsdóttir, Lena Margrét Valdimarsdóttir, Hanna Guðrún Hauksdóttir. Valur: Sara Sif Helgadóttir (M), Hrafnhildur Anna Þorleifsdóttir (M). Sigríður Hauksdóttir, Sara Dögg Hjaltadóttir, Karlotta Kjerúlf Óskarsdóttir, Hildur Björnsdóttir, Morgan Marie Þorkelsdóttir, Lilja Ágústsdóttir, Þórey Anna Ásgeirsdóttir, Ásdís Þóra Ágústsdóttir, Guðrún Hekla Traustadóttir, Hildigunnur Einarsdóttir, Brynja Katrín Benediktsdóttir, Mariam Eradze, Thea Imani Sturludóttir, Elín Rósa Magnúsdóttir.

• Blogga um frétt