Gísli Þorgeir ökklabrotinn

Gísli Þorgeir Kristjánsson, landsliðsmaður í handknattleik, er ökklabrotinn og verður því frá um skeið. Þátttöku hans á tímabilinu með þýska meistaraliðinu Magdeburg er þar með lokið.

Þýska félagið tilkynnti um meiðslin á heimasíðu sinni í dag.

Frétt af mbl.is

Gísli þurfti hjálp liðsfélaga til að komast af velli

Gísli Þorgeir sneri sig illa á ökkla í fyrri leik Magdeburg gegn pólska liðinu Wisla Plock í átta liða úrslitum Meistaradeildar Evrópu á miðvikudagskvöld og þurfti aðstoð liðsfélaga sinna við að fara af velli.

Frétt af mbl.is

Gísli Þorgeir snéri sig illa (myndskeið)

Um enn eitt áfallið er að ræða fyrir Magdeburg þar sem Ómar Ingi Magnússon meiddist á hásin á HM 2023 með íslenska landsliðinu í janúar og hefur ekkert leikið með liðinu frá því fyrir áramót.

Auk þess er danski landsliðsmaðurinn Magnus Saugstrup alvarlega meiddur og þeir Philipp Weber og Oscar Bergendahl meiddust sömuleiðis í leiknum gegn Wisla Plock á miðvikudag, sem lauk 22:22, og verða þeir væntanlega frá út tímabilið.

• Blogga um frétt