Stórsigur Vals í fyrsta leik
Setja bókamerki
Valur vann sannfærandi 30:23-útisigur á ÍBV í fyrsta leik liðanna í úrslitum Íslandsmóts kvenna í handbolta í Vestmannaeyjum í kvöld.
Jafnræði var með liðunum framan af og var staðan 5:5 þegar fyrri hálfleikur var hálfnaður. Þá kom góður kafli hjá Val og var staðan í hálfleik 14:9.
ÍBV tókst ekki að minnka muninn að ráði í seinni hálfleik og voru Valskonur með leikinn í sínum höndum, allt fram að lokaflautinu.
Valskonur skiptu mörkunum vel á milli sín, því Mariam Eradze, Þórey Anna Ásgeirsdóttir og Sigríður Hauksdóttur skoruðu fimm mörk hver. Ásdís Þóra Ágústsdóttir gerði fjögur og Sara Sif Helgadóttir varði 13 skot í markinu.
Ásta Björt Júlíusdóttir skoraði sex mörk fyrir ÍBV, Hrafnhildur Hanna Þrastardóttir fimm og Elísa Elíasdóttir fjögur.
Annar leikurinn fer fram á Hlíðarenda þriðjudaginn 16. maí.
| ÍBV | 23:30 | Valur |
|
|---|---|---|---|
| Sara Sif Helgadóttir (Valur) varði skot | |||
„Frumskylda mín að huga að börnunum mínum“
Ólíklegt að nokkur hafi komist lífs af
Togast á um vistarverur í Alþingishúsi
Hafði unnið á Maríuborg frá ágúst 2013
Rússneskir heimsmeistarar í listhlaupi voru um borð í vélinni
Lögreglan treystir á rafmagnið
/frimg/1/54/53/1545350.jpg)
Hundurinn verður aflífaður eftir helgi
Leggur fram innanhústillögu í kjaradeilu kennara