Unnum þetta á liðsheildinni

Sara Sif Helgadóttir, markvörður Valskvenna, átti góðan leik í dag líkt og í hinum leikjum úrslitaeinvígis liðsins gegn ÍBV. Sara var meidd á vormánuðum en kom til baka af krafti og var lykillinn í því að Valskonur næðu að landa Íslandsmeistaratitlinum í dag.

ÍBV hafði unnið Val í baráttunni um hina tvo titlana er Sara var fjarri góðu gamni. Leiknum í dag lauk með 23:25 sigri Valskvenna, sem unnu einvígið 3:0.

Frétt af mbl.is

Valur Íslandsmeistari eftir spennuleik í Eyjum

„Við unnum þetta á liðsheildinni, stemningunni og svo var vörnin að klikka vel. Við náðum hraðaupphlaupunum og þetta var í raun bara liðsheildin, allir voru að skila sínu,“ sagði Sara Sif en hún sagðist hafa verið stressuð á köflum.

„Ég var alveg frekar róleg fyrir fyrsta leikinn en fyrir leik tvö þá var ég alveg í hnút og síðan í leik þrjú var ennþá meiri hnútur.“

Frétt af mbl.is

Held ég fái frí frá karlinum í kvöld

ÍBV vann eins og áður segir tvo titla á leiktíðinni með sigrum á Valskonum en þar var Sara fjarri góðu gamni í bikarúrslitunum og á lokakafla deildarinnar, hún segir það hafa verið erfitt að horfa á þá leiki.

„Það var geggjað að vera með núna, ég var ekkert að búast við því og ég gæti ekki verið ánægðari. Ég grét alveg yfir því að horfa á bikarleikinn, ég viðurkenni það alveg, það var ótrúlega erfitt að sitja uppi í stúku og geta ekki gert neitt til að hjálpa.“

Valskonur eru með góðan leikmannahóp sem þær nýttu vel í einvíginu.

„Algjörlega, ég held að það hafi verið mikilvægur partur í þessu að við vorum að spila á ferskum leikmönnum allan tímann, á meðan ÍBV hefur 7-8 leikmenn til að spila á.“

Frétt af mbl.is

Alltaf best að vera hjá pabba

Hlynur Morthens er markmannsþjálfari Valskvenna og hjálpar mikið til.

„Hann er einn besti leikgreinandi sem ég veit um,“ sagði Sara en teymið í kringum lið Vals er virkilega gott og fékk teymið gott hrós í viðtali sem tekið var við Ágúst Jóhannsson, þjálfara liðsins.

„Þetta er búið að vera í toppmálum hjá Val, ég hef aldrei verið í jafn professional liði, þannig ég er mjög sátt.“

Frétt af mbl.is

Ég fer heim og verð róleg, nei djók

Einhver orðrómur hefur verið á lofti um að Hafdís Renötudóttir sé á leið í Val en Ágúst Jóhannsson, þjálfari, blés að þær sögusagnir í sjónvarpsviðtali eftir leikinn. Mun Sara vera áfram hjá Val?

„Það er allavega staðan núna, ég er ekki að spá í neinu öðru nema því. Ég verð áfram í Val og er nýbúin að endursemja við liðið, það er staðan.“

• Blogga um frétt