Þetta snýst ekki alltaf um bikara

„Hinir fjórir leikirnir í úrslitunum hafa þróast í þá átt að við höfum ekki byrjað þá nægilega vel. Það er klárlega eitthvað sem við getum unnið í og lagað enda mikilvægt fyrir okkur að byrja þennan oddaleik eins og best verður á kosið.

Við verðum á heimavelli sem er klárlega skemmtilegra og á sama tíma sleppum við líka við ferðalagið sem er jákvætt. Þú vilt spila svona stóra leiki í þínu umhverfi, þar sem þér líður best. Ég reikna fastlega með því að það verði frábær stemning í höllinni eins og alltaf,“ sagði Erlingur.

Eins og áður hefur komið fram er þetta fimmti leikur liðanna í úrslitaeinvíginu og leikmenn og þjálfarar beggja liða því farnir að þekkja hver annan vel.

Viðtalið við Erling má lesa í heild sinni á íþróttasíðum Morgunblaðsins í dag.