„Djöfull er Andri bróðir góður“

Sigtryggur Daði Rúnarsson varð í gær Íslandsmeistari með ÍBV í handknattleik eftir 25:23-sigur liðsins á Haukum í oddaleik í Vestmannaeyjum.

Frétt af mbl.is

ÍBV Íslandsmeistari í þriðja sinn

Yngri bróðir hans, Andri Már, fór mikinn í liði Hauka og skoraði fjölda mikilvægra marka fyrir gestina í leiknum í gærkvöldi, og það í öllum regnbogans litum.

Frétt af mbl.is

„Á eftir að finna hann og knúsa“

Átta mörk Andra Más dugðu þó ekki til og ÍBV varð Íslandsmeistari í þriðja sinn. Sigtryggur Daði hrósaði bróður sínum í hástert í dag.

„Djöfull er Andri bróðir góður í handbolta,“ skrifaði hann einfaldlega á Twitteraðgangi sínum.

Sigtryggur Daði er 26 ára og Andri Már tvítugur.

ÍBV fagnar Íslandsmeistaratitlinum í gærkvöldi. Ljósmynd/Sigfús Gunnar

• Blogga um frétt