Grænland á HM – forsetinn sendi hamingjuóskir

Grænlenska kvennalandsliðið í handknattleik tryggði sér í gær sæti á HM 2023 með 17:15-sigri á Kanada í Nuuk á Grænlandi í undankeppni Norður- og Mið-Ameríku.

Er þetta í annað sinn sem kvennalandslið Grænlands kemst á HM, það gerði liðið sömuleiðis árið 2001, fyrir 22 árum.

Heimsmeistaramótið fer fram í Danmörku, Noregi og Svíþjóð í nóvember og desember á þessu ári.

Guðni Th. Jóhannesson, forseti Íslands, sendi Grænlandi hamingjuóskir á Twitter-aðgangi sínum af tilefninu og sagði ómögulegt að samgleðjast grannþjóðinni ekki.

• Blogga um frétt