Á meðal þeirra bestu í B-deildinni

Handknattleiksmaðurinn Oddur Gretarsson, leikmaður Balingen, er tilefndur í kjörinu á besta leikmanni þýsku B-deildarinnar fyrir keppnistímabilið 2022/2023.

Oddur var á meðal markahæstu leikmanna deildarinnar er Balingen vann hana og tryggði sér þannig sæti í 1. deildinni að nýju.

Skoraði hann 190 mörk í 34 leikjum og var í 11. sæti yfir markahæstu leikmenn deildarinnar.

Oddur er einn af sjö leikmönnum sem eru tilnefndir sem besti leikmaður B-deildarinnar.

Hægt er að greiða at­kvæði í kjör­inu til fimmtu­dags á heimasíðu þýsku B-deildarinnar.

• Blogga um frétt