Gísli og félagar Evrópumeistarar
Setja bókamerki
Magdeburg og Kielce mættust í úrslitaleik Meistaradeildar Evrópu í handknattleik í dag en leikið var í Köln í Þýskalandi. Leikurinn var hnífjafn og æsispennandi allt til enda og endaði með sigri Magdeburg eftir framlengdan leik, 30:29.
Pólsku meistararnir í Kielce voru sterkari aðilinn í fyrri hálfleik og höfðu frumkvæðið lengst af, liðið leiddi þegar flautað var til hálfleiks, 15:13.
Liðsmenn Magdeburg komu sterkir til baka í síðari hálfleik og náðu að jafna leikinn. Staðan að loknum venjulegum leiktíma var jöfn, 26:26, og var því leikurinn framlengdur.
Framlengingin var æsispennandi en Magdeburg var með frumkvæðið. Fór svo að lokum að þýska liðið vann eins marks sigur, 30:29.
Alex Dujshebaev átti frábæran leik fyrir Kielce og skoraði 8 mörk en Kay Smits var markahæstur í liði Magdeburg með 8 mörk.
Gísli Þorgeir Kristjánsson átti ótrúlega endurkomu í lið Magdeburg í dag eftir að hafa meiðst illa í undanúrslitaleiknum í gær en Gísli skoraði 6 mörk og lagði upp 2 mörk í dag.
Ómar Ingi Magnússon, leikmaður Magdeburg og Haukur Þrastarson, leikmaður Kielce, spiluðu ekki í dag vegna meiðsla.
Hljóta að sjá að ekki sé hægt að stoppa þetta
Glódís Perla íþróttamaður ársins
Íslandsvinur lést í árásinni í New Orleans
Mesta vatnshæð frá upphafi mælinga
Gera má ráð fyrir hálku
Titringurinn ekki hönnunargalli
„Ýmislegt fleira sem kemur í ljós á næstu vikum“
Inflúensan sækir í sig veðrið
