Íslenskur landsliðsmaður í þýskt stórlið?

Sigvaldi Björn Guðjónsson, landsliðsmaður í handbolta, gæti gengið í raðir Þýskalandsmeistara Kiel.

Håndballrykter, sem sérhæfir sig í norskum handbolta, greinir frá á X (áður Twitter) í kvöld. Sigvaldi er sem stendur leikmaður Kolstad í Noregi.

Sigvaldi, sem oftast er mjög áberandi í leikjum Kolstad, hefur lítið látið fyrir sér fara í síðustu leikjum með norska meistaraliðinu.

Félagið er illa statt fjárhagslega og þurfti íslenski hornamaðurinn að taka á sig stóra launalækkun eftir síðasta tímabil.

Janus Daði Smárason var einnig hjá Kolstad, en hann er nú kominn með Evrópumeistara Magdeburgar.

• Blogga um frétt