Landsliðsmaðurinn ekki á leið til þýsku meistaranna
Setja bókamerki
Sigvaldi Björn Guðjónsson, landsliðsmaður Íslands í handknattleik og leikmaður Noregsmeistara Kolstad, er ekki á leið til Þýskalandsmeistara Kiel.
Þetta herma heimildir mbl.is og Morgunblaðsins.
Sigvaldi Björn, sem er 29 ára gamall, gekk til liðs við Kolstad frá pólska stórliðinu Kielce sumarið 2022 og var meðal annars gerður að fyrirliði Kolstad fyrir síðasta tímabil.
Handboltamiðillinn Håndballrykter greindi frá því í gær að leikmaðurinn gæti verið á leið til Kiel en samkvæmt heimildum hafa engar viðræður átt sér stað á milli félaganna um vistaskipti hornamannsins.
Sigvaldi Björn hefur látið lítið fyrir sér fara í leikjum Kolstad í upphafi tímabilsins en liðið er með 5 stig í þriðja sæti norsku úrvalsdeildarinnar eftir fyrstu fjórar umferðirnar.
„Þetta er ríkisstjórn almannahagsmuna“
Hrikalegt að heyra fréttirnar
Fyrsti blaðamannafundurinn í heild sinni
Segir að verið sé að svindla á Bandaríkjunum
Alvarleg netárás á Wise
Samfylking og Viðreisn gáfu loforð
Þetta eru ráðherrar ríkisstjórnarinnar