Skoraði níu mörk í tapleik

Arnar Birkir Hálfdánsson var í aðalhlutverki hjá nýliðum Amo sem tóku á móti Malmö í sænsku úrvalsdeildinni í handknattleik í kvöld.

Arnar Birkir skoraði níu mörk í leiknum og átti tvær stoðsendingar að auki en Amo mátti sætta sig við nauman ósigur, 29:31.

Liðið er í níunda sæti af fjórtán liðum en það leikur í fyrsta skipti í úrvalsdeildinni í vetur og fór mjög vel af stað í haust. 

• Blogga um frétt