Efstu liðin mætast í bikarnum

Valur og Haukar, efstu tvö liðin í úrvalsdeild kvenna, mætast í átta liða úrslitum bikarkeppninnar en dregið var til þeirra nú í hádeginu.

Valskonur fá heimaleikinn en átta liða úrslitin eru leikin í febrúar.

Þrjú lið úr 1. deild komust í átta liða úrslit og samkvæmt reglum keppninnar leika þau á heimavöllum.

Selfoss, sem hefur unnið alla átta leiki sína í 1. deildinni, fær KA/Þór í heimsókn. Grótta, sem er í öðru sæti 1. deildar, tekur á móti Stjörnunni og HK, sem er í 6. sæti, fær ÍR í heimsókn.

• Blogga um frétt