Ólafur bíður enn eftir fyrsta sigrinum

Lærisveinar Ólafs Stefánssonar í Aue máttu sætta sig við enn eitt tapið í þýsku B-deildinni í handknattleik í kvöld. Að þessu sinni tapaði liðið fyrir Bietigheim, 27:31, á heimavelli.

Sveinbjörn Pétursson lék stórkostlega í marki Aue og varði 19 skot, sem nam 38 prósent markvörslu, en það dugði ekki til.

Aue situr sem fyrr á botni deildarinnar með aðeins fjögur stig eftir 15 leiki og hefur nú tapað öllum fjórum leikjum sínum undir stjórn Ólafs eftir að hann tók við stjórnartaumunum um miðjan síðasta mánuð.

• Blogga um frétt