Landsliðskonan sköflungsbrotnaði

Katla María Magnús­dótt­ir, landsliðskona í hand­knatt­leik, varð fyr­ir því óláni að sköfl­ungs­brotna í leik með liði sínu Sel­fossi í undanúr­slit­um bik­ar­keppn­inn­ar í Laug­ar­dals­höll í gær­kvöldi.

Katla María lá sárþjáð eft­ir að hún lenti illa í kjöl­far þess að hafa reynt skot í undanúr­slita­leikn­um gegn Stjörn­unni, sem Stjarn­an vann að lok­um 26:25 eft­ir fram­leng­ingu.

Frétt af mbl.is

Leikmaður Sel­foss úr Höll­inni í sjúkra­bíl

Al­var­lega meidd

Hún var flutt með sjúkra­bíl á sjúkra­hús og gengst und­ir frek­ari rann­sókn­ir í dag.

„Hún er ennþá í rann­sókn­um en það er al­veg ljóst að meiðslin eru al­var­leg. Hún er að minnsta kosti með brot í sköfl­ungn­um.

Það er staðan en á sama tíma er óvissa og verið að bíða eft­ir ein­hverj­um niður­stöðum,“ sagði Eyþór Lárus­son, þjálf­ari Sel­foss, í sam­tali við mbl.is.

Frétt af mbl.is

Stjarn­an í úr­slit eft­ir fram­lengda spennu

„Þetta er eitt­hvað sem sést ekki í rönt­gen sem þarf að seg­ulóma og eitt­hvað sem ég skil ekki al­veg. Hún er bara uppi á spít­ala,“ bætti hann við.

Ekki er ljóst hve lengi Katla María verður frá vegna meiðsl­anna en þó ligg­ur fyr­ir að henn­ar bíður að minnsta kosti nokk­urra mánaða fjar­vera. Tíma­bili stór­skytt­unn­ar er því lokið.

• Blogga um frétt