Íslendingalið Karlskrona byrjaði á öruggum útisigri, 28:23, gegn Västerås Irsta þegar liðin áttust við í fyrsta leik í umspili um laust sæti í sænsku úrvalsdeildinni í handknattleik karla í kvöld.
Þrjá sigra þarf til þess að tryggja sætið en Karlskrona hafnaði í 12. sæti úrvalsdeildarinnar og Västerås Irsta í fjórða sæti B-deildarinnar.
Í kvöld skoraði Dagur Sverrir Kristjánsson eitt mark fyrir Karlskrona og Þorgils Jón Svölu Baldursson sömuleiðis eitt en Ólafur Andrés Guðmundsson komst ekki á blað að þessu sinni.
Næsti leikur liðanna fer fram í Karlskrona næstkomandi föstudagskvöld.