Bjarni Fritzson vill að Snorri Steinn Guðjónsson hlusti á sigi og taki Mosfellinginn Þorstein Leó Gunnarsson með landsliði Íslands í handbolta á HM á næsta ári. 

Þorsteinn Leó var í liði Aftureldingar sem tapaði fyrir FH, 31:27, í fjórða leik liðanna í úrslitaeinvígi Íslandsmótsins. FH vann þar með sinn þriðja leik í einvíginu og Íslandsmeistarabikarinn.

Þorsteinn Leó lék sinn síðasta leik fyrir Mosfellsliðið, í bili, en hann gengur til liðs við Porto í sumar. Hann var í viðtali hjá Gujóni Guðmundssyni í Punktalínunni á Sjónvarpi Símans í gær. 

Þar sagði hann vonast til þess að vera í landsliðshópnum á HM 2025 þegar hann var spurður út í það. 

Sami gamli Þorsteinn

Landsliðsmaðurinn fyrrverandi Bjarni Fritzson tók undir í umfjöllun eftir viðtalið. 

„Þetta er bara sami gamli Þorsteinn. Hann er bara sinn maður og spilar sinn leik. 

Það þarf að taka hann í landsliðið, hlúa að honum og breyta honum í eitthvað skrímsli sem mun hjálpa okkur að vinna mót. 

Snorri! Hlustaðu á mig,“ bætti Bjarni við. 

Umfjöllunin hefst á viðtali við Þorstein Leó. Það má sjá í spilaranum hér að ofan eftir 19 mínútur. 

Bjarni Fritzson hvetur Snorra Stein landsliðsþjálfara til að taka Þorstein Leó Gunnarsson með á HM í janúar. mbl.is/Eggert Jóhannesson

Tengdar fréttir

Punktalínan

„Heyrðu, Aron vill koma heim“

• Punktalínan: Dramatískt sigurmark FH (myndskeið)
• Ræddu umdeilda dóminn (myndskeið)
• Einar Ingi: Vanstilltir Eyjamenn (myndskeið)
• Mismælti sig illa: „Þetta er bein útsending!“

» Fleiri tengdar fréttir

• Blogga um frétt