„Við vorum mikið í fjáröflunum og það er ákveðin rómantík fólgin í því,“ sagði handknattleiksmaðurinn og Evrópubikarmeistarinn Vignir Stefánsson í Dagmálum.

Vignir, sem er 33 ára gamall, varð Evrópubikarmeistari með Val á dögunum eftir afar dramatískan sigur gegn Olympiacos í vítakeppni í Aþenu.

Frétt af mbl.is

Valur Evrópubikarmeistari eftir lygilegan leik

Þetta var fullkominn endir

Rómantík sem fylgir því

Valsmenn tóku þátt í Evrópudeildinni í fyrra og í Evrópubikarnum í ár en það kostar bæði tíma og peninga að taka þátt í Evrópukeppnum fyrir íslensk handboltalið.

„Ég man vel eftir því, þegar við vorum að spila við Flensburg í fyrra, og það var fullt út úr dyrum á Hlíðarenda,“ sagði Vignir.

„Við ræddum það inn í klefa fyrir leikinn að við hefðum safnað sjálfir fyrir því að vera komnir á þann stað sem við værum komnir á.

Það er ákveðin rómantík sem fylgir því og þetta er litla Ísland í hnotskurn, sem gefur þessu aukavægi,“ sagði Vignir meðal annars.

Viðtalið við þá Alexander og Vigni í heild sinni má nálgast með því að smella hér eða á hlekkinn hér fyrir ofan.

Tengdar fréttir

Dagmál

Flestir gefast upp eftir fyrstu tvær vikurnar

• „Það verður sviplegt dauðsfall“
• Bíógestum fækkaði verulega í fyrra
• Fáir í heimsklassa í íslenska landsliðinu?
• Laug öllu sem hann gat logið í yfirheyrslunni

» Fleiri tengdar fréttir

• Blogga um frétt