Erlingur kominn með nýtt starf

Erlingur Richardsson hefur verið ráðinn yfirþjálfari austurríska handknattleiksfélagsins Mödling.

Erlingur fær það verkefni að vinna náið með þjálfurum og leikmönnum félagsins með það fyrir augum að koma þeim á næsta stig.

Hann mun áfram vera búsettur í Vestmannaeyjum en mun ferðast til Austurríkis í nokkrum lotum og eyða samtals 80-100 dögum þar í landi á næsta tímabili.

Erlingur var síðast landsliðsþjálfari Sádi-Arabíu en lét af störfum í febrúar síðastliðnum.

Félagið var stofnað árið 2018 og heldur úti öflugu yngri flokka starfi.

• Blogga um frétt