Íslenska U20 ára liðið í handknattleik karla vann Pólland með fimm mörkum, 37:32, í öðrum leik liðsins á Evrópumótinu í Lasko í Slóveníu í dag.
Ísland mætir Svíþjóð í úrslitaleik undanriðilsins á morgun en sigurlið úr riðlunum sex komast í átta liða úrslit ásamt tveimur liðum sem enda í öðru sæti.
Ísland var þremur mörkum yfir í hálfleik, 19:16, og náði pólska liðið minnst að minnka muninn í tvö mörk í seinni hálfleik.
Össur Haraldsson skoraði 12 mörk fyrir íslenska liðið en á eftir honum kom Elmar Erlingsson með sex mörk.
Hinrik Hugi Heiðarsson skoraði fimm mörk líkt og Reynir Þór Stefánsson.