Handboltamarkvörðurinn Sigurður Ingiberg Ólafsson hefur endursamið við Fjölni, nýliða í úrvalsdeild karla í handbolta.
Sigurður lék með Fjölni á síðasta tímabili og spilaði stórt hlutverk í umspilsleikjunum gegn Þór. Eftir að hafa slitið krossband vorið 2022 tók Sigurður skóna af hillunni síðasta haust og gekk til liðs við Fjölni.
Sigurður hefur leikið víða á Íslandi, meðal annars með liðum eins og ÍR, Val, Kríu og nú Fjölni.