Íslenskur markvörður semur við ísraelskt lið

Handboltamarkvörðurinn Sveinbjörn Pétursson hefur skrifað undir eins árs samning við ísraelska handboltafélagið Ashdod. 

Akureyri.net greinir frá en Sveinbjörn, sem er 35 ára, er uppalinn á Akureyri og hóf ferilinn með Þór. 

Þá hefur hann leikið með Akureyri, sameiginlegu liði Þórs og KA, sem og HK og Stjörnunni á Íslandi. 

Sveinbjörn lék í átta ár með liðinu Aue í þýsku 2. deildinni. Hann lék þar fyrst á árunum 2012 til 2016 og aftur síðustu fjögur ár. 

Ashdod er stærsta hafnarborg Ísrael. Hún er rúmlega 30 kílómetrum sunnan við Tel Aviv og tæpum 50 kílómetrum norðan við Gasaströndina. 

• Blogga um frétt