Haukur Þrastarson, landsliðsmaður í handknattleik, er genginn til liðs við Rúmeníumeistara Dinamo Búkarest.
Haukur kemur til Dinamo Búkarest frá Kielce í Póllandi en hann var þar í fjögur ár.
Haukur er jafnframt fyrsti Íslendingurinn til að spila fyrir Dinamo Búkarest en félagið hefur orðið rúmenskur meistari átta sinnum í röð og er eitt af sextán liðum sem leika í Meistaradeild Evrópu í vetur.
Landsliðsmaðurinn var óheppinn á tíma sínum hjá Kielce og meðal annars slitið krossband í tvígang. Hann kom vel inn í íslenska landsliðið á Evrópumótinu í janúar.