Handknattleikmarkvörðurinn Adam Thorstensen, leikmaður Stjörnunnar, æfir þessa dagana með þýska liðinu Gummersbach, sem Guðjón Valur Sigurðsson stýrir.
Gummersbach greindi frá tíðindunum á heimasíðu sinni en Adam mun æfa með liðinu næstu þrjár vikurnar.
Þá mun hann einnig spila æfingaleiki með liðinu en markvörður liðsins Dominik Kuzmanovic er með landlsiði sínu Króatíu á Ólympíuleikunum.
Teitur Örn Einarsson tók þá þátt á sinni fyrstu æfingu með Gummersbach en hann gekk til liðs við félagið frá Flensburg fyrr í sumar.