Íslenska U18 ára kvennalandsliðið hafði betur gegn jafnöldrum sínum frá Gíneu, 25:20, á heimsmeistaramótinu í handbolta í Chuzhou í Kína í morgun.
Ísland endar því í þriðja sæti riðilsins, á eftir Tékklandi og Þýskalandi, og mun því keppa um forsetabikarinn.
Íslenska liðið var tveimur mörkum yfir í hálfleik, 13:11, og jók forskotið í seinni hálfleiknum.
Dagmar Guðrún Pálsdóttir skoraði sex mörk fyrir Ísland en Þóra Hrafnkelsdóttir skoraði fjögur mörk.