Grótta sigraði ÍBV í úrslitaleiknum

Grótta sigraði ÍBV, 41:33, í úrslitaleiknum í gær á Ragnarsmóti karla í handbolta. Úrvalsdeild karla hefst svo 5. september.

ÍBV tefldi fram ungu liði á mótinu í ár og fyrri hálfleikur í úrslitaleiknum var jafn og spennandi en Grótta var einu marki yfir í hálfleik, 19:18, en Grótta var kraftmeiri í seinni og hafði betur að lokum.

Selfoss og Víkingur mættust í bronsleiknum og Selfoss sigraði leikinn með yfirburðum, 35:20. Að lokum sigraði Þór Hauka, 38:21, í síðasta leik liðanna á mótinu.

 Elís Þór Aðalsteinsson í ÍBV og Sölvi Svavarsson leikmaður Selfoss voru markahæstir á mótinu með 26 mörk. Andri Erlingsson leikmaður ÍBV var rétt á eftir með 25 mörk. 

Alexander Hrafnkelsson í Selfoss var valinn besti markmaðurinn.

Alexander Hrafnkelsson. Ljósmynd/Selfoss

Hannes Grimm, leikmaður Gróttu, var valinn besti varnarmaðurinn.

Hannes Grimm. Ljósmynd/Selfoss

Andri Erlingsson, leikmaður ÍBV, var valinn besti sóknarmaður mótsins og Ágúst Ingi Óskarsson var valinn besti leikmaður mótsins.

Ágúst Ingi Óskarsson og Andri Erlingsson. Ljósmynd/Selfoss

Á þriðjudaginn hefja konurnar leik á Ragnarsmóti kvenna en þar keppir Selfoss, FH, ÍBV og Víkingur.

• Blogga um frétt