Handknattleiksmaðurinn Magnús Óli Magnússon verður ekki með Valsmönnum fyrstu vikur keppnistímabilsins.
Þetta staðfesti Óskar Bjarni Óskarsson þjálfari Vals í samtali við handbolta.is.
Í umfjöllun miðilsins kemur fram að Magnús gekkst undir aðgerð í sumar vegna brotins þumalfingurs á hægri hönd.
Aðgerðin gekk vel en brotið var á viðkvæmum stað og því þarf Magnús Óli að gefa sér góðan tíma til að jafna sín á fullu.
Magnús Óli hefur verið lykilmaður hjá Val síðan hann gekk í raðir félagsins árið 2017. Hann varð Evrópubikarmeistari með Val í vor.
Valsmenn mæta FH í Meistarakeppni HSÍ í Kaplakrika annað kvöld.