Íslendingalið Karlskrona er úr leik í sænska bikarnum í handknattleik karla þrátt fyrir útisigur á Kristiandstad, 32:31, í kvöld.
Ólafur Guðmundsson skoraði fimm mörk fyrir Karlskrona en Dagur Sverrir Kristjánsson skoraði eitt. Þorgils Jón Svölu Baldursson skoraði ekki.
Einar Bragi Aðalsteinsson skoraði ekki fyrir Kristiandstad sem fer áfram í útsláttarkeppnina ásamt Vinslöv.
Arnar Birkir Hálfdánarson og liðsfélagar í Amo eru þá komnir áfram eftir sigur á Lagan, 31:27.
Arnar Birkir skoraði tvö mörk.
Tryggvi Þórisson skoraði þá eitt mark þegar að Svíþjóðarmeistarar Sävehof unnu Varberg þægilega, 38:28.
Sävehof er komið áfram.