Landsliðsmarkvörðurinn Björgvin Páll Gústavsson er á skemmtilegum fjögurra manna lista sem Evrópudeildin í handbolta birti á Instagram í gær.
Samfélagsmiðladeild keppninnar segir Björgvin Pál vera einn af reynsluboltunum sem vert er að fylgjast með í keppninni.
Björgvin verður væntanlega í stóru hlutverki er Valur mætir króatíska liðinu Spacva í umspili um sæti í riðlakeppni Evrópudeildarinnar.
Fyrri leikurinn fer fram á Hlíðarenda á morgun og seinni leikurinn í Króatíu viku síðar.