Þórsarar á Akureyri þykja líklegir til að vinna 1. deild karla í handknattleik á komandi vetri og vinna sér sæti í úrvalsdeildinni eftir langa fjarveru.
Þetta er niðurstaðan í spá fyrirliða, þjálfara og forráðamanna liðanna í 1. deildinni sem birt var á kynningarfundi Íslandsmótsins í dag.
Fimm félög leika í 1. deildinni í vetur og auk þess fjögur varalið félaga úr úrvalsdeildinni. Eitt nýtt lið er í deildinni, HBH frá Vestmannaeyjum.
Spáin fyrir 1. deildina og stigin í henni eru þannig:
1. Þór - 185
2. Hörður - 154
3. Selfoss - 148
4. Víkingur - 142
5. Fram 2 - 102
6. Valur 2 - 84
7. HBH - 72
8. Haukar 2 - 55
9. HK 2 - 30
Keppni í 1. deild karla hefst laugardaginn 21. september.