Viktor Gísli Hallgrímsson, landsliðsmarkvörður Íslands í handknattleik, fór á kostum í sínum fyrsta leik fyrir pólsku meistarana Wisla Plock þegar liðið tók á móti Chrobry Glogów í efstu deild Póllands í gær.
Leiknum lauk með stórsigri Wisla Plock, 35:14, en Viktor Gísli bókstaflega lokaði markinu og var með 53% markvörslu.
Þá var landsliðsmarkvörðurinn valinn maður leiksins en liðið er með 6 stig eða fullt hús stiga eftir fyrstu tvær umferðirnar.