Holstebro, sem Arnór Atlason þjálfar, vann sterkan sigur á Íslendingaliði Fredericia, 29:28, í fyrstu umferð dönsku úrvalsdeildarinnar í handknattleik karla í kvöld.
Guðmundur Þórður Guðmundsson þjálfar Fredericia og þeir Arnór Viðarsson og Einar Þorsteinn Ólafsson leika með liðinu. Hvorugur þeirra komst á blað í kvöld.
Leikurinn var í járnum mestallan tímann en hafði Holstebro að lokum eins marks sigur. Sigurmarkið kom þremur sekúndum fyrir leikslok.