Einar Jónsson hefur komist að samkomulagi við handknattleiksdeild Fram um að þjálfa karlaliðið áfram til sumarsins 2026.
Í tilkynningu frá handknattleiksdeildinni segir að auk þess að þjálfa áfram meistaraflokk karla muni Einar halda áfram afreksþjálfun, þjálfun yngri flokka ásamt fleiri verkefnum innan félagsins.
Hann þjálfaði bæði karla- og kvennalið Fram á síðasta tímabili og hefur þjálfað karlaliðið frá árinu 2021. Áður hafði Einar þjálfað karlaliðið um langt skeið.