Porto vann afar sannfærandi heimasigur á Vitória, 42:22, á heimavelli í 2. umferð portúgölsku A-deildarinnar í handbolta í kvöld.
Þorsteinn Leó Gunnarsson fer vel af stað hjá Porto og hann skoraði fjögur mörk fyrir sitt lið.
Porto vann sigur á Benfica, 27:24, í fyrsta leik og er með fullt hús stiga eftir tvo leiki.
Portúgalska liðið heimsækir Val í Evrópudeildinni 15. október og liðin leika í Portúgal 26. nóvember.