Portúgalska liðið Sporting hafði betur gegn Wisla Plock frá Póllandi, 34:29, á heimavelli sínum í Lissabon í Meistaradeild Evrópu í handbolta í kvöld. Var leikurinn liður í fyrstu umferð A-riðils.
Orri Freyr Þorkelsson átti fínan leik fyrir Sporting og skoraði þrjú mörk úr þremur skotum. Viktor Gísli Hallgrímsson varði fjögur skot í marki Wisla Plock.
Martim Costa var markahæstur hjá Sporting með tíu mörk. Michal Daszek skoraði sjö fyrir Wisla Plock.