Þýskalandsmeistarar Magdeburg unnu góðan útisigur á Hamburg, 32:26, í 2. umferð efstu deildar þýska handboltans í Hamburg í dag.
Magdeburg hefur því unnið báða leiki sína hingað til á tímabilinu.
Ómar Ingi Magnússon skoraði fimm mörk fyrir Magdeburg, fjögur þeirra af vítapunktinum. Gísli Þorgeir Kristjánsson skoraði þá eitt mark en lagði fimm upp.
Magdeburg mætir Kolstad frá Noregi í Íslendingaslag í Meistaradeildinni á fimmtudaginn kemur.