Úrslitaleikjum í bikarkeppnum handbolta og körfubolta hefur verið úthýst úr Laugardalshöll. Ekki er víst hvar verður spilað.
Róbert Geir Gunnarsson, formaður HSÍ, segir í samtali við hlaðvarpið Handkastið að Íþróttabandalag Reykjavíkur hafi óskað eftir því að bikarleikirnir verði leiknir annarsstaðar vegna æfingatíma barna í Laugardalshöll sem falla niður vegna viðburðanna.
Róbert segir útboð á meðal félaganna um að halda bikarhelgina í handbolta ráðgert. Þar geti félögin boðið í að halda viðburðinn.
Bikarúrslitin fóru fram að Ásvöllum tvö ár í röð þegar gert var við Laugardalshöll en bikarúrslitin í körfubolta fóru fram í Smáranum í Kópavogi á sama tíma.
Fjallað er um málið á handbolti.is