Tryggvi Garðar Jónsson gæti snúið aftur á handboltavöllinn í næsta leik Fram en skyttan stæðilega sleit hásin í febrúar.
Tryggvi er 22 ára gamall og gekk til liðs við Fram frá Val sumarið 2023 en hann meiddist illa í leik gegn Selfyssingum í febrúar síðastliðnum.
Tryggvi staðfestir í samtali við handbolti.is að hann hafi æft undanfarnar vikur með liðinu og gæti spilað í Mosfellsbæ þegar Fram heimsækir Aftureldingu á fimmtudagskvöld.
Fram er í öðru sæti úrvalsdeildar karla með þrjá sigra úr fyrstu fjórum leikjum liðsins.